A les güenes,
Hay díes prestosos que nun te esperes. Asina, esta mañana avereme al cabu Vidíu col collaciu Esteban Guerra pa facer el seguimientu de aves marines pal RAM. El viento Sur, la mala visibilidad y que comenzó a orbayar, anunciaben un día permalu. Sin embargo, el pasu taba entreteníu. Pero sobre les 11 hores el paisaje tornose espetacular: les pardeles cenicientes (Calonectris diomedea) cambiaren de rumbo y la mar llenose delles: en media hora cuntamos 4333 pardeles destes, uno de los pasos más gordos registraos nunca n´Asturies pa esta especie.
A esto uníase la llegada de chises (Anthus pratensis) de allende los mares (veníen de la Bretaña, Inglaterra, o de más al Norte), la parexa choves por la zona, un par de halcones y un grupín delfines.
Xunto al faru esperabanos una langosta migratoria (Locusta migratoria), saltapraos gordo que nunca había agueyao na seronda.
Ya camín de casa, 2 milanos reales (Milvus milvus) pasaben periba la carretera (feches normales de pasu), y a la entrada d´Avilés, un bandu de 40 tórtoles turques (másima concentración local).
Un día muy prestosu
Saludines del Yepaaaaaaaaaaaaaaaaaaaaaaaaaaaaaaaaa