Foro de Mavea

A les güenes,

Estos díes tuve pateando pel conceyu Pezós y atopé delles coses perinteresantes:
- Curuxón rial (Bubo bubo): ye raru n´Asturies, pero nun conozo nenguna cita pal occidente del Navia; la más cercana aportó en Degaña. Oyí un bichu.
- Tubeca (Asio otus): ye tamién raru o perescasu, pero con delles cites a lo llargu d´Asturies, más n´otoñu-iviernu. Oyí un bichu.
- Picafayes (Dryocopus martius): ta n´espansión, puquiñín a puquiñín. Tampoco conozo nenguna cita pal occidente del Navia; la más cercana ta en Ayande. Oyí un bichu.
- Papuda tiestaprieta (Sylvia melanocephala): fai diez años entamó a colonizar Asturies per tres llugares (Castripol, altu Navia y Ribadeva). En pocos años espardiose per toa la costa: ye la colonización más rápida conocida nesta tierra. Pero nun la hai pel interior. Gueyé un xuvenil. Esta observacion amuesa que ta baxando pel Navia.
- Feisan (Phasianus colchicus): ye introducío pelos cazaores nos cotos, pero yo solo lu conocía cerca la costa, hasta agora. Gueyé una fema.
- Milán del rau forcau (Milvus milvus): tolos años vese pasar n´ochobre, pero ye raru n´otros meses. Hay poques cites d´iverná. Gueyé dos páxaros xunto a una esplotación de vaques (ver semeya).

Saludines del Yepaaaaaaaaaaaaaaaaaaaaaaaaaaaaaaaa